偷換概念

摘自五月十四日蘋果日報港聞版



中大畢業生月薪$6100

莘莘學子寒窗苦讀十多載，大學畢業生月薪竟跟毋須經驗的文員一樣。中文大學公佈 2008年畢業生就業情況，有大學生畢業後做補習老師，月薪只得 6,100元， 3.8%月薪更在 10,000元以下。中大學生事務處處長梁汝照指 09年的就業市場需求放緩，入職薪金更可能進一步下調，建議學生不要着眼於人工，但強調「唔覺得中大學生要主動自降身價」。


最高薪月入八萬五
中文大學於去年 11月至 12月底，以電話訪問 2,500多個 2008年畢業生的就業情況， 92%在去年 9月金融海嘯前已受聘。調查顯示 80.4%已就業， 15.1%繼續升學，約 3.3%則未有工作，另 1.2%是其他情況；已就業的畢業生中平均月入則有 17,898元，比 07年高 4.5%，主要因為月薪 3萬元以上的畢業生比 07年多，但超過一半（ 55.8%）畢業生月薪介乎 10,000元至 14,999元， 10,000元以下也有 3.8%。08年最高薪酬是一名醫科生，畢業後加入私營醫療集團當醫學顧問，月薪達 85,000元，但仍比 07年最高薪酬的醫科生 90,000元少。調查亦發現薪金最低的畢業後當補習老師，月薪只有 6,100元，跟一般中五畢業生當文員的薪酬無異。梁汝照表示根據聯校就業資料庫最新資料顯示，公司對聘請人才的需求大幅下跌近 4成，其中會計更大跌 51%，銀行金融業亦大受影響。他建議學生應擴闊視野，嘗試不同工種，發展自己興趣，毋須着眼於人工，但強調對中大準畢業生就業情況樂觀，「唔覺得中大學生要主動自降身價」。



---------------------------------------------------------------------------------

我發覺很多人都不會讀報,我老豆就是其中之一,只要看到一段新聞,佢就乜都信晒.好似我阿媽當年搬入屯門,我老豆就猛話屯門危險,有屯門色魔.先勿論我老母的防狼能力如何,大佬,屯門色魔只是一個名,一個屯門出沒的色魔,唔係屯門有好多個色魔呀!係獨立事件,而不是普遍現象.很多人連這麼基本的分析能力都冇,結果全世界都危險,邊度都唔敢去,認真可笑.



好啦,以上的一段新聞,你睇完覺得有乜問題?



.

.

.

.

.

.

.

.

開估.3.8%的畢業生月入少於一萬.即係96.2%高於一萬啦!篇報導如果寫: "中大畢業生月薪八萬五.九成以上月薪過萬" 你的睇法又會點?

更重要的是我相信3.8%的畢業生,應該跟拿Ordinary degree(即係比3rd Hons更低)的人數相約(我搵唔到有關資料,見註一).大佬,呢d人,比一萬當然嫌多啦!因為我好相信入得大學,要囉個3rd hons以上並唔難,囉唔到的九成九唔係蠢,係懶!你係老板,見到咁的成績都調頭走啦!

所以呢,如果下下睇乜信乜,冇獨立思考,中晒蘋果毒的話,不如不睇.


註一: 中大的網頁真係奇怪.花極大篇幅去表列來自各國的交流生及本科生的人數及比例,卻找不到學生平均的畢業成績.看起來好像有意營造自己是世界級學府似的,但做得太刻意,反而難睇.再者,外地生的國籍及人數,跟學校的優劣其實有乜野關係?又有乜人特別去留意某個國籍有多少人?

另,很喜愛中大的校訓---"博文約禮",出於<論語>: "子曰:君子博學於文,約之以禮,亦可以弗畔矣夫."