近況

1.經濟不景,公司狂炒人.部門的同事走了一半,我慶幸留下來還可以多加班掙點錢,就拼了老命去做了.加班的代價是私人時間漸少,但有錢唔搵實在笨七,少少犧牲也算不上什麼了.

2.舊公司的一位印度同事自殺身亡,死前不單將公司的事打理得井井有條,還若無其事的請了所有同事朋友去食飯(道別?).通常人選擇自殺必有怨氣,以及覺得自己不需再付責任.如此有交帶的自殺者倒是第一次見.我倆相交雖淺,但一向認為他是好人(我對錫克教徒很希好感).這個消息在我心中徘徊著,久久不去.

3.我的暑期旅行計劃改了又改,五大洋七大洲都比我搵過了.由於八月尾是回教的齋戒月,阿爾蓋達又說會對華人不利,幾經思量還是去古巴穩陣.難得機票平得發笑,不管三七廿一就買下來了.問題是只去十三日,星期五回程,白白浪費了三天時間.十三日遊古巴只夠去西岸了,東岸我想該太倉卒.但還是要一去Santa Clara,看一看捷古華拉的記念館和墓地,是吾之心願.

4.之前看了Oasis在Wembley的演唱會,Oasis不值一提,我想看的反而是Kasabian.看後更欣賞這隊樂隊,連買了兩張唱片,年尾也會去多次他們的個唱了.西方樂隊加中東色彩,幾時都咁受,早有Kula Shaker,後有System of a Down.嚴格上我會話Kasabian係中亞多於中東,總之,好聽就得,哈!

5.下星期五落London看Tiesto live at Victoria Park,票價四十六磅,有點貴,但應該值得.我很喜歡戶外的party,而且仲要係Tiesto,開心死.想當年跟Iona等到Birmingham NEC看Tiesto,Victor帶左少少大麻驚個鬼咁帶入場,想來也像是童年經歷,可笑又懷念呢.時光飛逝,Victor好像現在去教書去也,不知他有否跟學生"分享"他的經歷呢?

6.港股係咁升,半年前叫老母買的中水務以及港交所已升逾倍了!可惜佢當時買左盈富基金及HSBC,彼岸仍遠矣.一位老友在香港投資不順,相識多年卻不敢多言.有機會真想同佢講: "唔識又冇運,就唔好買咁多啦."(對白來自<<黑社會一>>Jimmy仔)

7.老父借了他的DSLR連鏡頭比我,我帶過行幾次山,太重!放入袋中囉出囉入又麻煩,帶0係頸度吊吊FING又好重好論盡.想買新機,屬意LUMIX G-1,不知看官有冇更好介紹?

8.最後,我想講,三百六十五日後,我終於買左第一件新衫啦!!下星期買埋新眼鏡先!

放逐

人生如戲,就像電影<<原罪犯>>中的情節一樣,原來某年你做了一件自己也不為意的小事,作下的業能夠如此的鉅大.一針打通經脈,上文下理前因後果通通接著成章,連串的疑竇也就解開了.那件事原本只是無話找話,之後也別無動機,純粹是無聊之至.囚禁了十三年,還懵然不知其來龍去脈.吳大錫在困室中苦思自己得罪過的人,逐少逐少整理下原來有那麼多,枉他一直還以為自己是一個不錯的人.

壞人從來不覺得自己是壞人,蠢材也永遠不知自己是蠢材.可是在漫長生命中一個平凡的瞬間,他頓悟自己原是柒頭.可幸知時也算不上晚,四個半盡沽電盈怎也好過等佢升仙.

牽一髮即動全身.要麼自斷其舌,要麼就獨自修行.前者難當,後者反正合乎其性格所向.千山我獨行,不是瀟灑,而是墬進泥沼,走上不歸路.項羽走到鄔江邊,鄉人叫他回去退守為王.他回頭說道: "我又有何面目見江東父老?"

曹操亦有知心友,是那知心友的不幸.孟德就此往過去作別,以後望著腳跟走路,謹言慎行,處恭執敬,默默的做自己的事,沒於山林之中.

入籍難

搞入籍,要填十八頁紙(其實冇咁多,有些只是指引).其中要填過往五年的出入境記錄,搞到我要考古,翻查護照還不夠(因為只有入境記錄可靠,出境是不吸印的),還要查返以往的email iteniry,機票尾,甚至有一個記錄我要在xanga才查到!!

原來五年間出境十五次,四次返香港,一次去荷蘭找陳老貓,一次去葡萄牙,一次西班牙,一次摩洛哥,七次法國!也真夠輕狂!最怪的是七次之中,四次都是去Lubernon踏單車......

表格中有幾條問題真係好正:
你,及你親屬,有冇參與犯罪而無上法庭?
你,及你親屬,有冇參與戰爭罪行,以及遊擊隊?
你,及你親屬,有冇參加,或者支持過恐怖主義?
你,及你親屬,有冇鼓勵,慫恿他人從事恐怖活動?
你,及你親屬,有冇其他地方顯示出你/你們或者不是一個好人?
如有,請於下面作詳細解釋

喂,大佬,傻0架?有冇人真係會答yes,然後一五一十講出黎呀???

申請費要九百五十磅,真係和味,有些人仲要搵律師,我邊有咁多錢呀??
希望一次搞掂啦......

裁員滾滾來之無力挽

很久沒試過開車開得如此的慢.
就像未經歷過戰爭的人,他們知道戰爭的殘酷,但真身的體驗,到底比書本上的震撼得多.
裁員的事,我比公司的大部份人都早知.只是看見一個個入房,然後一個個行出來的時候,心底還是很難過.
難過的其中一個原因是名單中有彼德.路斯.一位幫過我很多,但老闆卻很不喜歡的人.
一直以來我老闆都說遲早要炒佢,而我也一直在老闆面前替他說好話.事實上,他是團隊中少數真正肯幫我的人,我的任何要求,包括有時是我做錯了的幫鑊,他也二話不說幫我做到,從不籍詞推卻,從不多問一句.
他一直不認同我老闆推行的lean manufacturing(其實我也覺得此事不能照紙搬字,畢竟我們不是真正的mass production,product variety甚多而產量不高)不斷向其他同事說lean manufacturing不行等等,又在會議中多次抨擊此法不通,以致與我老闆結怨.
老闆跟我私交甚深,我也不時到他家中作客.言談間我常替他說話,我希望我的說話能影響他多少的決定.Boxing day晚到他家中作客時因女友眼訓的關係早走,也許我有點一廂情願,但我想如果當晚我留下來到摸杯底飲威士忌的時候我能再說幾句利害,說不定能改變他的看法.今晚我會再打去說說,機會極微,但總要盡點綿力.
可惜問題的另一面是,因為我是老闆那邊的人,彼得.路斯大概有點遷怒於我.自他從房中出來後跟眾人道別,卻偏偏沒對我說一句話,我也不便走去說什麼了.
唉,真是左右做人難.
老實講,說經濟不景裁員是假的,訂單根本沒少過.不過不要誤會,我是支持裁員的,因為由我第一天加入這公司時已察覺到這公司員工與盈利的比例太低!這公司聘用一百五十二人,去年純利(已是史上最高)只有三百七十萬磅.我前公司只有四十人,每年都有近二百萬磅!明顯地冗員甚多,我不滿意的只是炒錯有能力的人而已.
至於我,我是部門中唯一一個可以做兩邊(standard & customerize)設計的人,況且我做了年半而從未behind schedule,加上跟老闆的關係,大概不會有事的.只是我平時勁上網看網頁的習慣不知有冇人發覺,如果有的話被炒的人很可能乘機報串打算一鑊熟.亦可能有人會因我是外勞而投訴公司沒有優先考慮英國人,更有可能有人會遷怒於我.不論如何,這些都不是我控制範圍之內的了,還是聽天由命吧.

雜記

1. National Geographic在倫敦的Oxford Street開了店,總共三層,樓面至少二萬呎了!估計租金至少十萬磅一個月,我計過每個鐘大概要做一千磅生意才有望回本.但據我所見,由於貨品售價不平,且頗專業,收銀處人流不多,令人擔心.
主事人將National Geographic成為一種品牌來推銷,其志可嘉.近年推出的National Geographic Traveller及National Geographic Kids亦看得出主理人想打開更多門路.只是這樣擴充冒進,作這麼大的投資,會否過份冒險?作出忠實的支持者,我著實是十分擔心.最怕是擴充過度以致不可收拾而倒閉,這才是人類的重大損失呀!

2. 我常常聲討美帝,卻不能不說她對人類著實有重大的貢獻.就像National Geographic,百年來深入探討世界各地的人文地理,不惜工本,實在是難能可貴.中國出版的華夏人文地理也不錯,但只對中國本土有興趣(此雜誌也引用NG的文章).
從來中國就只放眼於眼前利益,對世界毫不關注也沒興趣.鄭和七下西洋,可有對當地風土文化自然生態有詳細記錄?不過是對外宣揚大明國威及到處搜尋珍品獻于朝庭而已.現在中國在非洲大量投資及購入石油,又可有派員去研究當地的人文地理?沒有.因為研究來"冇用",就像阿媽跟你說讀藝術出來搵唔到野做,"冇用"一樣.

3. 之陣子讀黃仁宇的中國大歷史.讀到原來美國在鴉片戰爭後,要求中國將給于美國的賠款用作在中國辦學的用途.事實上美國亦從沒有在中國割地,也沒有如英法一樣在中國掠奪珍品.美國總算是對得起中國有餘了.真不明白內地憤青為何那麼仇美?美國對不起的,是伊斯蘭呀!

4. 前日看了葉問.動作好看,故事卻悶得要死.片中的葉問簡直是白璧無暇,悶蛋到暈.看維基資料,故事亦與史實不乎.江澤民不是說過: "人無完人,金無足赤"嗎?為何我們總要將所有人描寫成聖人?看來梅蘭芳也會是差不多的了......
不明白為何電影總要跟那些後人批准和合作?這麼一來必定是隱惡揚善啦!唔通話佢老豆沉淪鴉片咩?

5. 至於章子怡嘛.國內的同胞腦筋都有點問題,跟未婚夫親熱都唔得?中國人都不造愛的麼?還是造愛都只為生仔,不為享受?沒有調情,只為生產?如果係,中國的妓女從何而來?都是光等客沒生意的嗎?
我懷疑很多人是精神分裂的,只許自己叫雞,不准他人造愛.老實講,香港地,十八無處女.十八歲未開齋,就像七歲馬未贏過一樣---一定有些問題.或是質庸,或是水乾,或是高逗,或是性格有毛病.敢造不敢認,甚至邊造邊罵的,不是精神分裂是什麼?

6. 又,陶傑昨日說章子怡的未婚夫Aviv Nero是法國人,又道法國人浪漫云云.喂,佢係以色列人0黎0架播,Aviv就是Tel Aviv個Aviv,希伯來文是春天的意思播.

7. 近期生理時鐘極亂.夜晚八九點訓教,朝早四五點就起身.早餐份量越來越驚人,今天是三塊牛油多(真牛油,仲要落得好重手),午餐肉炒蛋,公仔米粉同埋一支啤酒.係呀,啤酒呀,你見過人朝早六點食早餐飲啤酒未?

8. 金融海嘯,連附近的酒吧都推出1.5磅一pint啤酒的優惠.我公司的客戶主要是大學和實驗室,冇乜影響.最近做緊國防部的contract,一個空軍基地一個oven.皇家空軍全世界都有基地播!條數幾咁和味!?幾時都話做軍方contract比什麼都好啦.希望今年都有人工加啦!

9. 不過呢間公司真係搞笑,一班鄉下老野可以做的野國防部的supplier(即係等如你買個最先進的產品,但產地係西貢十四鄉一樣,你會唔會有信心?).班友真係頑固到暈,今個禮拜同manager嘈過幾次,已經拗到佢冇得駁,點知每次佢最後都只係話: "That's the way we're doing" DLS!佢條白痴設計個microwave assist furnace出黎,成件野無必要地複雜到爆.明明有simple solution,但又死都唔肯改."Keep it simple!Mate!" 我話.但佢始終係搞到有咁複雜得咁複雜......我都冇眼睇.

10. 呢期勁多人退休,通常最後一日都係到酒吧飲酒.其實我每次都在想: "我都想而家同你一齊退休呀!" 講真,我都想返香港,但呢個時勢,返來有人請先得0架?繼續流亡海外,只是為了生活而已......點解我阿爺唔係伍宜孫???我唔貪心0架,半億夠我退休0架啦!

THE REVOLUTION CONTINUES: NEW CHINESE ARTTHE REVOLUTION CONTINUES: NEW CHINESE ART

今年寒假都在倫敦渡過,都是跟朋友出來吃吃喝喝,也抽了幾口大麻.某日無聊跟b到了Saatchi Gallery看展覽.

http://www.saatchi-gallery.co.uk/artists/new_art_from-china.htm

都算好,展品中毛澤東的含量降至新低,只有20%.但仍然有不少呃鬼佬的中國作品,有些甚至只是將一袖經典新聞圖片重畫,意義何在?

好東西還是有的,第一次看岳敏君的真跡,更令我欣賞他的作品.此君常畫笑面以表示無力的抵抗,獨具一格,但我更喜愛他的用色和構圖.心想我老父一生不能成名,原因也不過是畫功有餘,創意有限,可惜他全不是白這一點.

最底張相很有趣,題為communication.小弟對裝置藝術無認識也無興趣(因為大多看不明白,除了少數如艾未未,banksy之外)不過這個蠟像實在做得很真,連手指上的毛,頸上的靜脈都做得很真呢!很多人都走到很近去觀摩,然後阿b話: "咁咪就係communication囉" 好像有點道理,也好像是套套邏輯......

題外話1: 你看我們香港的"設計大師"幾厲害?走得幾前,幾潮?當然,連雷頌德都說"抄晒4個bar先叫抄襲"的時候,我還是沒話可說了.

題外話2:

bunni* says:對於我黎講好多畫都係吹.邊個吹得好聽 d 咪出名 d

鮑魚 says:如果我放個屁落個罐度,封實,題為三千年封建興衰,我估都賣到過億

bunni* says:我真係見過類似0既 product...

鮑魚 says:唔係掛??咁我早該成名了,反正往年今年,屁一樣的臭

bunni* says:咁精味香水都有啦

鮑魚 says:咁應該出埋精液肥皂啦, 題為: 金融海嘯(洗極都一身潺)

bunni* says:好嘔心呀

鮑魚 says:我真係個生意人啊~

To: Perry (新年禮物)

傳說中的Hannah(紫裙者):

有前

有後

粗略估計,坐C望D,至多24腰.鬼妹來說,已是極品了!

快D過黎搵野做啦!

公司派對2

相片來自notice board,我用手提影比較矇,冇辦法啦!


留意圖片最右那位女孩,我同佢同枱,而佢對奶大到成日趺出來咁滯.令我不禁喃喃自語地說: "漏奶呀,漏奶呀"
英國波,真係好睇d呀0下!

正面睇,都幾靚女.十七歲,青春無敵,無唔同d.


umum......左邊0個個就係傳說中的Gill,我每日返工見到佢都用眼神避開,因為佢係我人生中見過最恐怖的樣子,活像一副枯顱骨!我每次見到佢都打冷震.佢身邊的係傳說中同佢有一腿的同事,睇怕都唔係傳說.只是literally條佬點同佢造愛的呢?換著我,抹上十樽印度神油也舉旗不定呀!!

中為我老闆卜.曉治,右為佢老婆.佢話為左同我坐同一枱先唔坐管理層0個張枱.好感動呀!!

未開枱已飲了兩杯香檳兩pint啤酒三杯紅酒......咁梗係high d啦......右為保羅.諾加的老婆,我居然讚得出佢年青,搞到佢鬼死咁開心.但問題係......點解我醉左都唔敢同Hannah傾計0架!!?!?唉,我真係冇用......

um.....同埋,我又真係搵唔到Hannah張相,Perry, 算你唔好彩啦.

公司派對

由舊公司帶我過來的上司/朋友: 卜.曉治(係咪好白痴呢?)

條死仔成晚話我似Kill Bill入面的殺手88......

上: 工程知識淵博之極的約翰.渥斯

下: 工程部的大佬,我永遠都睇唔穿佢諗乜的盧.偉臣

上(由左至右): 成日背後講我閒話的仆街加利.米殊尼;同佢同撈同煲的麥克.柏格利;我部門少數睇我台氣又傾得埋的保羅.偉堅遜(佢有d似拉丁人,老婆都幾靚,不過有冇搞錯,話我似Gok!?!?!);名字不詳,已退休,但唔知點解最後拉住我傾左半粒鐘......

下: 我阿頭,正一撚屌,縮骨到暈,好適合去香港做高官的奇夫.薜頓

上: 影得太暗又朦.她(單獨坐者)就是傳說中的極品: 天使面孔,魔鬼身材(唔係講笑,最少有C,但腰圍必少於23吋!!!)的漢娜.犘斯利
下: 我,難得我著得好好睇睇,出返次鏡啦!(但依然為了那句:" Do you know who is Gok, you look like him"而想殺人......)

連續去了部門和公司的聖誕晚餐,都出人意料地盡興而歸.因為我平時同佢地實在冇乜兩句,以為會悶死一晚又一晚,點知又ok有野傾播!兩次都證實飲左酒之後的我英文對答如流(但點解唔飲酒就講到一舊舊???).同埋,原來我交際手腕都幾強,而且十分政治化.周一返公司發覺很多人都對我另眼相看(最搞笑的係我醉左都居然識曲筆讚人地老婆後生,條友同我講I've made her day囉)

咁,我留0係山區同班村民做廠佬做乜?返香港做條政棍好過啦......