Bastardization vol. 2

1.前排聽李嘉誠話: "君子愛財,取之有道" 0個時,已經有d疑心.上星期見到佢同胡錦濤握手,明晒!原來"取之有道"的"道"唔係指道德,而係指"渠道"/"門路".一睇張相,就知佢唔止大把門路,而且是康莊大道,直通天庭.其他大粒佬又唔駛咁熨的,你地都有路,不過係羊腸小徑0即.

2. 睇住胡總將相,不禁就羨慕起來: 點解人地年紀大我一倍,頭髮多我十倍的? 霸王搵乜鬼成龍賣廣告0丫,搵胡總好過啦!就算真係出事,胡總做代言人,真的假得了!?不過倒轉頭諗,中國除了騙子之外,乜野都可以係假,會唔會胡總個頭髮都係假的呢?甚至連胡總都係假的,睇佢每個笑容,每下拍手都咁機械化.說不定真的胡總早已被江澤民除掉了,這個胡錦濤機械人八號(簡稱胡八)由國安部開發,搖控器當然就在老江的床頭度啦......(我覺得可以以此寫一篇科幻小說播)

3. 胡李會之中,曾蔭權明顯被冷落了.想起陶傑年初的一句: "梁英不振,曾華不俊,曾蔭無權" 倒係應棍.

4. 土庫曼( http://zh.wikipedia.org/zh-tw/%E5%9C%9F%E5%BA%93%E6%9B%BC%E6%96%AF%E5%9D%A6 )真是一個奇怪的國家,但沒有入麼新聞從業員留意到.前幾年,我從Colors看到土庫曼評為世上最冇新聞自由的國家之一(好似係尾三,第尾當然係北韓).年初讀報,全球最快樂的國家之中,土庫曼居然排十七(香港好似係80名以外),跟不丹差不多,已經覺得奇怪.上星期,從報紙得知原來土庫曼的捐獻/義工的排名是全球第五!!

一般來說大家都喜歡將無新聞自由=獨裁=貪污=人民不快樂/被欺壓.但究竟土庫曼發生的係什麼一回事呢?有一天我一定要到這個國家走走看個究竟.

5. 聽老豆講,由於西環地鐵站的其中一個出口將開正0係南雄大廈(我少時的住處)對面,我以前住的單位因而炒到上280萬,比我們賣出時升了差不多三倍.所以話0丫,真係一命二運三風水,0個時冇搬就好囉.好在而家置富花園也升了唔少,我同老豆講: 不如賣左佢轉租啦.除非佢十年內唔趺市,否則至少平手.估唔到佢都有咁諗,真係醒目左播,老豆!

細時唔識野,住開單棟樓就想轉下住屋苑.搬去置富的決定中我都落左不少咀頭,一來因為向海(南雄的單位以前望到一角仔海,後來遮晒),二來時小學有個靚女同學(好似叫陳凱欣?咁上下啦)住隔離的簿扶林花園(但我從未遇過佢,又或者只係我唔認得佢).住落才知到大鑊: 冇街行,冇社區,冇球場,夜晚想落街食碗粥都冇.點似西環有街坊,有人情,有街行,有波打,有機打,仲可以上天台飛垃圾桶蓋訓水喉管咁過癮?有生之年希望我可以0係南雄買返一個單位,於願足矣.

我都唔明點解有人會覺得西九0個炸漾日居,凱旋門,天璽好住?係,係有個維港景.但一落去除了個商場之外只有六條冷冷的行車線同埋一個荒漠.夜晚落去條路越闊越覺得冷清無人氣.咁住落去有乜意思?

所以話,如果問朋友世界上你最鐘意邊個城市,而佢一答就答得出葡萄牙的里斯本的話,呢個人一定有計傾.唔明?去過你就明(如果你係同路人的話).

Bastardization Vol.1

1. 很佩服左丁山,真係一個極出色的中環傍友.這裡沒有貶義,你以為出色的傍友易做?每天睇佢蘋果的GG細語,他寫的東西不單只既得哥情,又不失嫂意.擦鞋之中令人不覺其擦鞋,貌似批評的文章其實又點到即止,差一點就會令人不快,又差一點會令人覺得佢軟皮蛇只識擦鞋.掌握之準確不下於流浮山的蒸魚師傅.再說一次,不是挖苦,沒有貶義,是真心的佩服.

2. 最近有老人/精神病患者在家中失救致死,有政黨批評政府不應只發綜授,更應該關懷佢地,定期派人上門探望.

以我所知,社會福利署係有0架播,我媽身患癌症社署也主動前來問及經濟及醫療上的需要.會唔會掛萬漏一?我唔知.不過我計過條數,就算香港只有五十萬長者/長期病患,社署每年每人探望三次,每次連出入要3個鐘的話,一年要四千五百萬個鐘.當你一個工作人員一日睇三個個案,一年工作三百個工作天,也需要五千人!如果連同管理層平均年薪二十萬,一年需要十億的開銷!這還不包括車錢,行政費,已有的綜援等等.以香港的低稅率,你認為真的可行嘛?

3. 很多人對事物的批評都很尖銳,我不知他們有否自省---自己又係咪事事都做得妥妥當當呢?如果係的話,我相信各位無論在任何行業都一定是尖端份子了,還做什麼批評家?你認為史提芬史匹堡會捨導演之業去寫影評嘛?唔好同我講懷才不遇,懷才不遇只是從前資訊不通的產物.現在只有過剩的頻道給你發表,又點會有懷才不遇? 同樣地,李卓仁什麼也批評一番.唔好同我講,佢心中真係認為: "如果我做主事人,就唔會咁啦" 0下化?

4. 上星期陸遊女士在蘋果撰文批評梁文道資料的錯誤,今個星期梁已先要回應另一文化人方舟子對他的批評.可見文人相輕,槍打出頭鳥,自古已然.我不是道長的粉絲,卻也佩服他在飲食男女中的專欄"味覺視象"---一個從飲食看文化的專欄.我每一期都在想: "睇你仲有乜野野寫" 但佢每期都有新野寫,也有一些不錯的觀點.主題咁局限每期都有貨交(真係唔係行貨,他寫的不是食評呀!),自負如我也肯定自己一世也不能做到.

5. 如果只準用一個詞語去勾劃中國人的特性的話,相信有些人會話"自私",有些人話"貪婪",而我會話係 "妒忌".印度差也自私,亦極其貪婪,但論妒忌,中國人無出其右.其妒忌之精要在於: "我唔發達唔緊要,最緊要你窮過我."

你一定有聽過呢類的說話 :"佢?SALE屎仔黎之嘛!?" "佢當年?UNDER我0架之嘛!" "佢叻啦,識擦鞋,而家唔識人啦!?"

所以重複一次,古惑仔一裡面浩南同兄弟0係澳門比人都0個幕,巢皮比人砍下時講0個句: "南哥!走呀!一個人死,好過含家產呀!" 係全錯的.

真正的香港仔,口中0個句應該係: "南哥,救我呀!我地同一屋村大,要念舊情呀!" 心中0個句卻應該係: "南哥,唔好走呀!含家產,好過一個人死呀!"

6. 英文裡面,係冇"折墮"呢個字的.折墮,正正是妒忌者最大慾望.每年的台慶劇,0個D創世記呀,天地乜乜 0個D,一定有呢句對白: "睇你/你地幾時折墮!" 可見作為一個中國人,最大的快樂莫過於睇住被妒忌者(通常係成功人士啦)的折墮.

所以話,我地好應該多謝陳振聰.佢越折墮,香港人的"國民快樂指數"就越高.

7. 同樣地,英文係冇叩頭這個字,所以佢地借用左中文,變成kowtow.唔係我作出黎0架,係真係英文字黎架!

Dictionary.com入面係咁寫的:

kow·tow   [kou-tou, -tou, koh-]

–verb (used without object)

1. to act in an obsequious manner; show servile deference.

2. to touch the forehead to the ground while kneeling, as an act of worship, reverence, apology, etc., esp. in former Chinese custom.

–noun

3. the act of kowtowing.

點解英文本身冇呢個字呢?你自己諗.咁中國人向人地叩頭時心裡面係諗緊咩呢?

之唔係: "睇你幾時折墮" 囉!

說雜

Robert Parker的健筆一揮,我最愛的QS立即升了幾個價位.常光顧的店子嫌貴不賣了,就得到網上找.價錢不平,加上運費,又不知該網頁的可信性,不知買不買好.

返香港前怎樣也要弄一兩支回來,怎樣也要給蛇老兄試試,否則不夠朋友了.

我的人生也不過如此,該飲是嫌貴不買,到現在想買卻又難求.最不幸的是帶了一支給Bob開Party,比人當水飲,我頂!

佢條友,都未見過比人炒魷仲會買架Z4!!上星期落去搵佢吹水,佢車我兜風.咁大個仔都未坐過開蓬,原來係咁鬼爽.係,架車係唔夠Audi S4快,但真係非常過癮,而且有D虛榮感囉!唉,我都想買架,不過諗兩諗,買來又有乜用?

係呀.冇撚用冇銀用,三十來緊仲一事無成,匿埋0係英國荒山隱姓埋名.係諗到D生意仔想搞的,不過而家要儲下錢先囉,希望下年年頭搞得成,亦希望老Bob的contact可以助我一把.雖然唔知搵錢為乜(ok,為啖氣囉!)但三十而立,真係要做點實事了.

唉,唔通日日0係間咁的公司度磨咩?d老野簡直想將時光倒流到工業革命, craftsmenship咁款,推佢地與時並進太辛苦,亦吃力不討好.最近帶個新仔,屌!係就係幾好傾,但每隔三分鐘問我一個問題,煩都煩死!我當年0岩0岩來時有鬼人教我咩,間野簡直冇management!最搞笑的係,個manager根本冇叫我帶佢,但唔知點解佢當左我係保母,加錢呀!屌你老味加錢呀!!

邊個發明返工?正如邊個發明打洞?冇答案,知道亦冇用,工繼續返,洞繼續打.

我想話,My Little Airport寫的野好得意,但好似永遠都係音樂還音樂,歌詞還歌詞咁的?其實我估佢地去香港亂嗡度掃chord可能仲好......

最近翻睇"The office",實在太鐘意佢的尷尬,無奈同dead air位,不過呢種形式的幽默香港應該好難接受,因為不夠喧鬧.香港係咪有套劇的女皇辦公室(上左未?)?汪阿姐,王祖藍,杜汶澤,應該都好笑播!雖則我更想睇黃子華,我認為佢係香港唯有有英國水準的comedian,詹瑞文......越來越上身,太誇啦......反而笑唔出.

有時諗下自己,諗下自己係點的一個人.其實我就好似好多好普通的人一樣,都係普普通通平平無奇,卻認為自己別有所長,有d懷才不遇,又有d時不與我.想做一些跟別人不同的事,又力不從心.有過很多理想,又不持之以恆.愛過一些人,又被人些人愛過.拋棄過一些人,又被人拋棄過.愛過痛過後悔過,又有一些永遠都追逐不了的人.我就如你你就如我,大家都係差唔多.然後大家都好相像,都在人海裡煙沒.

From Slinkachu's "Whatever happened to the Men of Tormorrow"

Anti-climatic end to the Superman legend with the hero living as an ordinary man with a normal 9-5 job......find themselves overweight, pale and balding. Far from being superheros, these figures represent failed hopes and dreams; they are old and forgotten, sidetracked by the mundanities of life, seduced by ultimated shallow pursuits or let down by their own dysfunctional personalities. The fantasies of youth, those of invincibility and destiny, have long since faded......

"Dreams of living it all again" -by Slinkachu 2009

是但愛

嘩!!好想睇呢套片囉!!香港幾時上呀?唔知有冇得download呢!?
----------------------------------------------------------------------------------

葉念琛2009暑假愛情巨獻---<<是但愛>>

"求求其其的活,是是旦旦的愛"

[故事簡介]
電腦維修員逸(方力申飾)是典型的電車男,生活刻版無聊,直至一天他到君(鄧麗欣飾)的家中維修電腦時,Windows XP setup wizard行得太慢.百無聊賴之際,逸禁不住問君一句"不如我地愛0下囉?"君的回應卻是"都好0既." 兩人之後發展著一段段苟苟且且的愛......

"葉念琛最成熟之作" -周作人 <<明報>>> *****
"服裝及佈景展現出華倫天奴式的唯美哲學" -錢穆<<經濟日報>>****
"爭議性的題材,啟發性的思考,2009年必睇之選!!" -林本利<<蘋果日報>>*****
----------------------------------------------------------------------------------
唔睇唔得,好想返香港睇囉!!

露體狂小丁

1. 露體狂小丁

好聽,真係好聽播.其實我覺得MLP的歌好似隻隻歌都差唔多,求其掃幾個chord夾硬切D字就叫一隻歌,但呢隻真係好好聽播.

當然,人靚奶甜,不在話下.

2. http://www.bedjump.com/

細個跟學校去麥理浩夫人渡假村一定會做的事.不過從來冇諗過可以咁影/玩播!哈,真係好鬼正!下個月同屋企去克羅地亞時都玩下先(會唔會嚇死佢地?)

3. 星期x檔案
成日都轉時間,都不知是星期幾了?是但啦,反正我都係單撈來睇.睇左講賣帽的女孩0個集,唔明d人有乜好評擊?係,個女仔係幾靚,亦明顯地因為佢個樣先特別多人幫佢(問心,如果佢係個暗瘡肥婆,有冇咁多人幫先?)但就算係咁又有乜問題?外貌同智慧都係天賦,一個人憑外貌佔先機跟一個人憑智慧創佳績是同一回事!

不過咁,真心0個句,佢讀得書的,行這條路係好;讀不成的,做雞也不錯.女人愈年貶值,與其將青春及貞操給予一過回頭看嘔到一地都是的男生,倒不如去賣,儲起成第一桶金,更見實際.

另一集,講賓妹的,看到中段我已盡量專心食麵,我知我專心看下去是會哭的.我很難明白一個人怎可以一生付出去照顧一些全不感激,甚至離你而去的人,而這原因只是親情.可能我無情,我覺得如果對方對你是親人的人,他就是親人.否則,不要跟我談什麼血濃於水,這只是一個物理上的表達.

菲律賓人可應想想他們應否賣國?早年的內戰,經年的貪污,弱智的領導,白痴的政策.菲律賓天然資源不錯,又是南亞的戰略要地,與美國淵源也深,不如去作美國第五十三個州,搵d識管理的人重新令這國家踏上軌道吧!這國家永不能比得上香港,但也不見得是如此的差勁.國是死的,人是生的,諗諗佢啦.

4. 六.四
蘋果日報大概由三月起每天談到現在,很悶.網上的博客們也很一面倒,只有余有虛言的余若虛先生跟我意見相若.讀蘋果,那些什麼中學生論壇談六四,出席的是支聯會及毓民等人,兩個皇仁仔稍有異見即刻比人嘈到反皮,似乎所謂的民主派,也容不下"異見份子"吧?

我倒是想問,當日確實有圖片是群眾(不知是不是學生)放火燒死坦克車內的解放軍,卻沒有一張相片是坦克車輾過學生!當日眾多傳媒在場,如果坦克車真的輾死學生,何以沒有一張照片為證?又如何坦克車真的輾死學生,又何以獨獨不輾死王維林!!??如果坦克車真的在現場橫衝直撞要輾死學生,那麼群眾又憑什麼能截停坦克車及燒死解放軍!?支聯會等人士批評中共之餘,也應有膽量解答以上問題!

我相信解放軍有開槍,有向天也有向人群.看新聞圖片亦見六四死難者多為被槍傷及警棍打死,這是事實,是暴行,中共該道歉及平反,不容置疑.但你夾硬說坦克車輾死學生,也是大話(你唔好同我講被幾十噸重的坦克車輾過居然頭不爛而有全屍??).

獨立思考,唔該,真係比d獨立思考,得唔得?

沒有comedian的香港(ok,有一個,叫黃子華囉,that's it!)

Well,我成日都話0係英國睇足球並唔一定真係睇足球,it's more than that!正如你睇Top Gear都唔係真係睇車一樣.有種東西,叫幽默,林超榮之類的傻仔,永遠都唔懂.

如果有朝一日<<頭條新聞>>做到呢個水準就好啦!(發夢中...)

p.s. 你0係youtube打MOTD 2 good 2 bad,入面有好多,尋晚我差d笑死左

仲有今年的best of 2 good 2 bad添~~

無恥尻車正恥毛

激鬼氣,睇巴塞對尻車.尻車全場尻守,基本上除了原來的四個後衛外,艾辛,林柏特,波歷克,馬路打,卡勞都係後衛!!只有杜奧巴一個人打......中場!你話利記成日死守,我地死極都打9-0-1,搵條茂利上去跑搏機會,點衰都唔會打9-1-0!!尻車大部份時間冇人過半場,禁區坐底七條友,難委旁述全場提了幾十次: 'Chelsea shows discipline.' 屌你個袋!龜縮就龜縮啦,扮乜撚野勁!?防守就代表有紀律,巴塞全場攻就代表欠缺紀律麼!?d英國佬渣住碌尻0係度亂吹棒一番,真係要屌死你至得!

我咁熨,係咪輸錢?錯!我買左車仔贏或和,兩倍,收錢!但我全場為巴塞打氣,戥佢唔抵!屌,人地十一個放部巴士0係後防,巴塞都仲可以有咁多攻勢及射門,講真,真係厲害!一隊波如果一開波就完全唔為贏只求守和的話,西布朗都可以和曼聯啦(死球另計)!! 反觀波圖上圈第一場作客曼聯,率先入球也不死守,到下半場1-1時仍敢於進攻,被反勝2-1後最後能追到2-2,極具體育精神,Chelsea should feel ashame!!!

仲有,我好撚憎杜奧巴!!講真,中鋒來說他可能係世界數一數二,但球員道德極差!!痴撚線,掂一掂就碌0係地度碌成個月,如果唔係重播睇返,我以為你中0左槍添呀衰鬼!屌尻你個屎忽啦!美斯咁細粒成柒日比人剷都冇咁事,你咁尻大隻扮到好似人地打穿你個袋咁!?屌你啦!!幾年以來都係咁,比我係球證話之你真係比人犯規都唔吹,以儆效尤!

屌那媽,好撚熨,鬼唔望尻車成隊集體生袋癬!!

我愛小丁!!

1. 最近放工第一件事就是回家看世界桌球錦標賽,有時在公司也忍不住refresh BBC的網頁追戰果.小丁是我投注上的最愛,都不知為我贏左幾多次錢了!不過今場我卻買享特利......因為上場他只險勝梁文博,說服力不足.

一直覺得佢球技超卓又夠定,連奧蘇利雲上年都話佢日後必定贏好多冠軍.但我諗,佢咁的矇樣,可以做什麼廣告代言人?叫佢賣時裝?運動服?賣香煙都死啦!

都係大陸人好野,蒙牛贊助佢真係天作之合!!非筆墨所能形容的匹配!!大陸連孖劇亭的人都比香港優勝,香港人還是小心D好.

2. 最近重看<<毛澤東私人醫生回憶錄>>,讀到一九五六年毛在八大中宣怖退任國家主席,鄧小平隨即與劉少奇,楊尚昆等撰文支持毛退居二線,之後鄧,劉,楊在文革被毛鬥得多慘,不在話下.

三十二年後,鄧小平宣怖辭任國家主席,退居二線.這時居然有人撰文支持鄧下台,看著前人踩氹,以後還是往同一個氹踩下去,真是愚不可及.

那位人兄叫胡耀邦,他的下場,不言而喻......

3. 常言道,朝早無人,普選又如何?你可以想像李卓人,長毛,陳偉業,湯家樺,或梁家傑做特首嗎?批評容易建言難,派錢容易儲錢難,香港這個死結,必需要一個強勢的人來解決,我的人選是向華強.

昨晚一連翻看黑社會一,二.套戲顯然是諷刺香港政治,第二集片末Jimmy仔向石廳長揮拳很可能是只七一遊行.

問題是出品人是向華強.片中多次明目張膽的出現"新記"(新義安的別名),新記的話事人剛巧又姓許(許,向?),提到新記的話事人是父傳子,又提到老許向中央投誠,他是愛國的(向氏回歸前向中國投誠,某領導的名言: 黑社會也有愛國的就是由此而來).活脫脫就是將自己擺上螢幕!

很多的橋段也有根有據: Jimmy仔讀大學正是老新的鬼添.Jimmy仔將阿樂的手下搞成肉醬也是美國唐人街多年的傳聞.引伸下去,會否戲中的橋段都是真有其事而向生"提供意見"搬上銀幕呢?

再諗深一層,搵自己的故事(也不是很見得光的故事)搬上銀幕,仲要用來諷刺中港(與賭俠中做龍五扮型是兩回事),其勇氣及承擔令人佩服.試問香港的政壇中你找到第二個嗎?

如果向華強做特首.第一,身為向氏世交的毓民與其陣營必定唔會搞事.第二,有台型,至少唔會好似煲tie咁矮duc duc比人烚.第三,如上文所言,果斷,有種,有承擔,試問有邊個高官政客有咁的能力?第四,向華強的父親向前為前國民黨軍官,晚年亦避走台灣至死,濃厚的國派背景有利於統戰.第五,澳門的何厚樺還不是大半個黑社會?前車可鑑,搏得過播!

我痴線?Think out the box, man!

大材小用

到今時今日先知道有李思捷,王祖藍呢兩個人,真係太背了.咁有才華而無線唔多重用,反而阮兆祥呢d廢柴又可以靠痴混了咁多年,這世界真不公平.

如果無線有量度去拍Little Hong Kong,佢地兩個肯定係不二之選(占爺唔係唔好,但有時真係over左啦,尤其紅左之後......)

Sheeps in The Sheep

老闆,唔好意思,今朝塞羊所以遲左呀......

月來事變

# 插圖由高登 skyward.@hkgolden 設計

苦思一個月,結論是: "我於朋友,遠不及朋友於我重要." 以往多多少少都只帶點一廂情願.既如此,我回來與否,何時回來,只對極少數人帶重要性.那麼,今年就要好好的修性,走那條七千里的苦路.每個月,要行六百里,殊不容易.

家母不幸成為星數的蟹民之一,滙豐的故事告訴我們,沒有什麼是絕對可靠的,機構如此,人情如此,國家如此.<<呂氏春秋>>,安死篇中早有這麼的一句: "自古及今,未有不亡之國;無不亡之國者,是無不掘之墓也" 這是何等遠見!

誠如此,二十世紀初興起的計劃經濟,共產主義一敗塗地.二戰後歐美主張的市場經濟資本主義原來也不是必勝教條.我們枉走了百年的道路,枉死了千萬生靈,在世界這個實驗室中找出這兩極間的平衡,實在是可笑又可悲.

老鄧當年一句:"不搞開放改革,就只有死路一條",是計劃經濟中的開放.歐美今天政府出手救市,卻是自由市場中的管制.以現階段而言"計劃中的開放"先勝"開放中的計劃"一仗,不知往後又要做幾多年的實驗才找到最佳的答案呢?

雙親皆為老左,自細就向我灌輸"美國佬成日整中國想中國死"的概念.好了,今天美國真的仆街了,但中國可能獨善其身?現在美國好像對全世界眼紅的人說: "看,我死,大家都要含家產!" 美國踏入嚴重的衰退,靠工業出口維生的中國又豈能獨存?兩老說: "中國內需都夠啦,駛鬼出口!?" 實在是淺見!沒出口,廣深一帶的工廠做不住,或執笠,或減產,或裁員.百萬計的民工就要返回河南河北山東山西,被裁員回鄉,難道還會消費而不是積穀防饑?國內沒消費,何來內需?都靠賣衛生巾麼?過剩的勞動力,加上貪腐的地方政府,會否造成官迫民反?中國要有幾多個煤礦,才能消滅這群過剩的勞動人口?

今年的苦路,還要走多遠?

又被人(艾安娜)踢的: 隨抽即播

規則1. 求其將個播放列轉做隨機
2. 用"下一首"去回答每條問題
3. 無論個答案幾狗嗡,都要寫低每題的答案
4. 踢十條友
5. 比人踢的咪做返同一樣野囉
6. 尋開心吧!

如果有人問你: "你ok嘛?" 你會點答
音樂軌第九(保羅.奧勤福) <--喂,呢首我冇入歌名,唔知叫乜播

你點形容你自己?
一股血沖上頭 (凍玩合唱團) <--都0岩0丫

你鐘意異性d乜?
身外情 (黃耀明) <--即係戴綠帽??

你老豆老母點睇你?
愛到發燒 (林子祥) <-- 0下???唔係掛??為何你的纖腰,小得像辣椒???

你平時會諗d乜?
N軶UNS (墮落系統合唱團) <--亂碼,但應該係荷里活0個隻碟

二加二係乜?
碧比仔爛拍混音2001年4月比安歷現場音樂會(化學兄弟合唱團等好鬼多人) <--- ????????

你覺得你老死係點?
派對0係呢度呀 (DMX) <--- 嘩,呢首好鬼CHISOC 0即???

你的人生故事係乜?
千年女皇 (梅艷芳) <--- "可否叫咀巴休息一會" (!!)

你大個仔想做乜野?
湯祖的鬼 (強暴對抗機器合唱團) <---乜首首都咁九唔搭八0架

你對住你愛的人會做乜諗野?
點火者 (傳奇合唱團) <---無奈地...都有點對題......

你結婚會跳乜舞?
制服XXX(日文字)之強精中出 (五十嵐) <--- UM...唔好意思,我D咸片同埋音樂放0係同一個FOLDER...

你葬禮會播乜歌?
月亮之舞 (夜空許願合唱團) <-- 都幾好0丫

你嗜好/興趣係乜??
拜你 (肥仔瘦) <---拜神麼?

你驚乜野??
我唔想合埋隻眼 (飛行史癌夫合唱團,但唔知點解顯示出黎會係沈思合唱團,D野成日都錯0既??)

你最大的秘密係?
我個名係乜 (窺探的狗狗) <---咁事實好少人知我真名的

你而家想要乜?
椰子 (哈里.尼爾遜) <--- 我要椰子來托七呀?????

你點睇你的朋友?
邊個都唔係 (茂利紋身) <--- 喂,唔係呀,我好睇重朋友0架!!

你會點貼呢篇野?
救我,我0係地獄呀!! (九吋釘)


之後的遊戲應該係估返D英文歌同樂隊其實係乜...

雜記

1. National Geographic在倫敦的Oxford Street開了店,總共三層,樓面至少二萬呎了!估計租金至少十萬磅一個月,我計過每個鐘大概要做一千磅生意才有望回本.但據我所見,由於貨品售價不平,且頗專業,收銀處人流不多,令人擔心.
主事人將National Geographic成為一種品牌來推銷,其志可嘉.近年推出的National Geographic Traveller及National Geographic Kids亦看得出主理人想打開更多門路.只是這樣擴充冒進,作這麼大的投資,會否過份冒險?作出忠實的支持者,我著實是十分擔心.最怕是擴充過度以致不可收拾而倒閉,這才是人類的重大損失呀!

2. 我常常聲討美帝,卻不能不說她對人類著實有重大的貢獻.就像National Geographic,百年來深入探討世界各地的人文地理,不惜工本,實在是難能可貴.中國出版的華夏人文地理也不錯,但只對中國本土有興趣(此雜誌也引用NG的文章).
從來中國就只放眼於眼前利益,對世界毫不關注也沒興趣.鄭和七下西洋,可有對當地風土文化自然生態有詳細記錄?不過是對外宣揚大明國威及到處搜尋珍品獻于朝庭而已.現在中國在非洲大量投資及購入石油,又可有派員去研究當地的人文地理?沒有.因為研究來"冇用",就像阿媽跟你說讀藝術出來搵唔到野做,"冇用"一樣.

3. 之陣子讀黃仁宇的中國大歷史.讀到原來美國在鴉片戰爭後,要求中國將給于美國的賠款用作在中國辦學的用途.事實上美國亦從沒有在中國割地,也沒有如英法一樣在中國掠奪珍品.美國總算是對得起中國有餘了.真不明白內地憤青為何那麼仇美?美國對不起的,是伊斯蘭呀!

4. 前日看了葉問.動作好看,故事卻悶得要死.片中的葉問簡直是白璧無暇,悶蛋到暈.看維基資料,故事亦與史實不乎.江澤民不是說過: "人無完人,金無足赤"嗎?為何我們總要將所有人描寫成聖人?看來梅蘭芳也會是差不多的了......
不明白為何電影總要跟那些後人批准和合作?這麼一來必定是隱惡揚善啦!唔通話佢老豆沉淪鴉片咩?

5. 至於章子怡嘛.國內的同胞腦筋都有點問題,跟未婚夫親熱都唔得?中國人都不造愛的麼?還是造愛都只為生仔,不為享受?沒有調情,只為生產?如果係,中國的妓女從何而來?都是光等客沒生意的嗎?
我懷疑很多人是精神分裂的,只許自己叫雞,不准他人造愛.老實講,香港地,十八無處女.十八歲未開齋,就像七歲馬未贏過一樣---一定有些問題.或是質庸,或是水乾,或是高逗,或是性格有毛病.敢造不敢認,甚至邊造邊罵的,不是精神分裂是什麼?

6. 又,陶傑昨日說章子怡的未婚夫Aviv Nero是法國人,又道法國人浪漫云云.喂,佢係以色列人0黎0架播,Aviv就是Tel Aviv個Aviv,希伯來文是春天的意思播.

7. 近期生理時鐘極亂.夜晚八九點訓教,朝早四五點就起身.早餐份量越來越驚人,今天是三塊牛油多(真牛油,仲要落得好重手),午餐肉炒蛋,公仔米粉同埋一支啤酒.係呀,啤酒呀,你見過人朝早六點食早餐飲啤酒未?

8. 金融海嘯,連附近的酒吧都推出1.5磅一pint啤酒的優惠.我公司的客戶主要是大學和實驗室,冇乜影響.最近做緊國防部的contract,一個空軍基地一個oven.皇家空軍全世界都有基地播!條數幾咁和味!?幾時都話做軍方contract比什麼都好啦.希望今年都有人工加啦!

9. 不過呢間公司真係搞笑,一班鄉下老野可以做的野國防部的supplier(即係等如你買個最先進的產品,但產地係西貢十四鄉一樣,你會唔會有信心?).班友真係頑固到暈,今個禮拜同manager嘈過幾次,已經拗到佢冇得駁,點知每次佢最後都只係話: "That's the way we're doing" DLS!佢條白痴設計個microwave assist furnace出黎,成件野無必要地複雜到爆.明明有simple solution,但又死都唔肯改."Keep it simple!Mate!" 我話.但佢始終係搞到有咁複雜得咁複雜......我都冇眼睇.

10. 呢期勁多人退休,通常最後一日都係到酒吧飲酒.其實我每次都在想: "我都想而家同你一齊退休呀!" 講真,我都想返香港,但呢個時勢,返來有人請先得0架?繼續流亡海外,只是為了生活而已......點解我阿爺唔係伍宜孫???我唔貪心0架,半億夠我退休0架啦!

寓言2

夢裡有如將現實的情節重演一次,結果卻是一樣窘迫,窩囊,和失敗.這是命定,故此沒有什麼"如果可以重頭來過"可言,重演千次,結果還是一樣,一如歷史.
縱使我怎樣依戀夢中,我還只是過客一名,敵不過尿急.有如牛頭馬面招手,不會留人到五更.兩秒內從里斯本直飛崩福特,一去無回頭,還說什麼何當共剪西湘燭,卻說巴山夜雨時?
太陽沒有出來,自然沒有落下.沒有高峰,自是沒有低潮.也許我不該再買彩票,因為從來我都不是幸運兒.

寓言1

開機關槍向天亂槍掃射,總有幾隻雀仔掉下來.綁好後拿來作戰利品,人們見到的是雀仔,見不到的是滿地彈殼.

真正的獵人用的是步槍,就像Matthew Emmons一樣,一槍一隻.十枚子彈輕裝上路,足矣.

雜記

1. Louis Theroux: Law and Disorder in Johannesburg
http://www.bbc.co.uk/iplayer/episode/b00g1vdq/Louis_Theroux_Law_and_Disorder_in_Johannesburg/
看了兩集Louis Theroux的節目,第一集講費城.冇錯,罪案係多,槍械係多,但至少關係只是居民,毒販和警察的對立.
很久以前已說過南非是唯一一個我永不考慮backpacking的地方(我連Gaza都有想過去),可想而知情況何其差.事實上Johannesburg的情況比我想像中更差!警察無能,貪污.居民自發的滅罪組織以暴亦暴,不經審判的就將疑犯毆打,甚至燒死!另有護衛公司專門負責幫業主收回被人硬闖的物業,方法也是以暴亦暴.人人槍不離身,處處打劫毆鬥,我想只有巴西的San Paulo可以相比了.
片中訪問了一個當地的gangster,佢話: "如果我用槍指住你個頭,你可以不付錢嘛?如果我捉住你老婆,扼頸用刀在大動脈處界一刀,鮮血直流,你可以不付錢嘛?如果我將你的孩子放進焗爐內然後開著,你可以不付錢嘛?"
可是想深一層,中國古代可不是如此嘛?蒙古匈奴羌人犯境時,對中土人士的殘害可能有過之而無不及.只是年代久遠,我們的感受不深.又因時代文明進化,我們忘記了我們本是如此而已.
所以在那些經歷過戰爭的人的眼裡,很多事都不過如此.他們認為年青的人輩無見識過,而我們又實在很難感受過戰亂是怎樣的一回事,只能在電視前書本上略觀一二矣.

2.香港實在有太多專業的業餘攝影師和業餘的專業攝影師.旅行時看見有人拿著三兩部相機在同一景點狂影者,其必香港人也.更甚的是三五同遊,每人獨照一張,二人合照一張,三人共攝一張,四人擺pose一張,叫途人幫手全照一張.三人的matrix是7張,四人是15張,五人是31張......還未計位置交換又一張,一齊跳起又一張,羅馬柱突出頭顱又一張.......一天下來影三數百張的大有人在!
最離譜的是出外用餐,每道菜都要連拍幾張,連人影又幾張,菜涼了不用說,更甚的是招致老外奇異的目光,好像這夥人前世未吃過西餐似的,實在尷尬非常.
我最常問的一條問題是: "你用眼看世界,還是用鏡頭去看世界?"心思都在鏡頭裡鑽,親身的感觀就少了.人有五官,而非視官獨大.電車磨擦著路軌的尖叫聲,醫院傳來的消毒味,花瓣的幼滑感,生蠔的海水味,陽光照在皮膚上的溫暖,坐在街角的婆婆的心事,這些都不能以鏡頭攝錄,而靠其他感官去感受.
再者,每天拍下那麼多的相片,你真會每每回味嗎?不會的,歸來是邀友觀賞,在網上炫耀"景點戰蹟"後,你就再不會多看,然後檔案留在電腦中某過偏僻角落直至你換電腦時忘記backup而消失.

雜記

1.在倫敦總是花錢的.吃吃喝喝不在話下,今次還買了三件American Appeal,好彩夾埋都係62磅.不過之後在Liberty看上了Viktor & Rolf的紅白直間恤衫就貴了,要235磅.當然,我忍手沒買,看看聖誕有沒有大減價吧.

2.看了利物浦近幾季最精彩的一場球賽.尤其下半場難能Rafa冇死守而主動進攻,短傳滲透極之出色,發員淡定而自信,實在令人十分振奮.利物浦終於都返來啦!

3. 車路士的教練Scolari實在坦率得可愛.跟摩連奴的屎忽完全相反,上幾場記者問佢某一球己隊應否獲判十二碼的時候,佢居然答: "唔應該,我覺得0個球波冇問題." 真係誠實得可愛.

同埋,我想問,黎根呢個角色係咪照佢個樣畫出來0架?一模一樣0既?

4. 港股直趺落底.最初我說萬二已經比人話我痴線,而家萬一.有人甚至說會趺到七八千!唔係掛?係的話倒是一生難遇的良機呀.可惜,我冇本,否則老虎都買港交所(0388),之前我估70蚊入,而家都62蚊了,如果去到50......

我唔明點解我老豆要咁驚,四叔隻艇比你大隻得多啦.佢都未跳樓,你駛乜驚?

5. 落完倫敦上黎,病到七彩......老啦,真係唔可以玩咁盡......

雜記

1. 摘自十月十五日 蘋果日報 陶傑的黃金冒險號

"股 市 穩 定 之 後 ， 經 濟 會 蕭 條 一 陣 ， 這 是 吃 藥 的 副 作 用 ， 沒 有 事 的 。 一 定 不 會 是 中 俄 兩 國 上 位 ─ ─ 這 兩 個 國 家 ， 學 人 家 玩 股 票 金 融 的 資 本 主 義 ， 最 多 只 有 十 年 。 一 個 上 海 人 ， 才 剛 開 船 去 了 一 趟 崇 明 島 回 來 ， 就 說 比 一 個 荷 蘭 人 更 懂 得 航 海 ， 你 敢 乘 他 的 船 嗎 ？"

淺見.

中國我就唔敢包,因為如我一早所言,中國距離歐美這兩個大市場太遠,現在油價上升(雖然近期已回落),運費大增.一個由中國運去美國的標準貨櫃的運費由2000年起已升了三倍,如果拉丁美洲或北非稍為爭氣的話,要趕過中國前頭實在不難.中國的"世界工廠"地位其實岌岌可危.

但俄羅斯呢?它擁有極豐富的天然氣資源,還有石油,白金,鋁,鈷,和鈾原素.在這末世紀中誰擁有資源誰就是王,推動時代巨輪的不是科技,而是資源.沒有資源的話,什麼科技也不能執行呀!再者俄羅斯不是伊朗或伊拉克,美國夠膽找籍口向俄羅斯開戰嗎?當然不敢!現在北冰洋主權之爭甚烈,俄羅斯在金融海嘯上支持冰島可增加她在該地區的影響力.如果俄羅斯能控利北冰洋的話,天然氣是其一,北冰洋逐漸溶化後新航道的控制權是其二.

英國的傳統球會,倫敦的高級住宅幾乎都被俄羅斯和中東人買下.英國的富豪呢?卻一個個倒下來呀,你看看Mike Ashley?醒下啦,傻仔!

2. 英國人是阿Q得可愛的.尋日英格蘭贏了白俄羅斯,傳媒和同事們又勁煲英國而家點勁點勁,朗尼又點樣legend.大佬,白俄羅斯炸!你贏左法國德國意大利先講啦,唔該!

另外英國的球迷又係搞笑的,記得以前BBC訪問過一個球迷,佢話: "The club should be win as many trophies as possible to give us pride, not aiming for earning money!" 大佬,唔為賺錢,做乜花一百幾十億去買個球會呀?為了你的pride?If you want to get some pride then you should work your ass off and gain it yourself, not depending from your country, friends, or football club, mate!

3. 香港人,真係輸打贏要,乜都怨一餐.迷債持有人(我唔覺係咩苦主)要全數回水,失業的又話要加綜援,返工的又要最低工資,老年的又話要加生果金,存款於銀行的,又要政府全包風險.全部人,卻又話要減稅!我想問,錢從何處來?香港幾時發現油田?請告訴我.

好啦,加生果金,不過要審查個人財政.咁梗係啦,人地唔審查,傳媒又話某某富豪呃生果金,政府監管不足!而家查,又話政府侵犯人權,蝦老人家!大佬,即係點都死的0即?

4. 上網睇過半集蘇民峰的旅遊節目,想死!一個扮識野,幾個扮大鄉里,請問旅遊節目的方程式係咪一定要咁,幾十年不變?好心啦......

跟住睇吳彥祖,李燦森,maggie Q等拍的節目叫chiseen,擺明抄jackass,有d玩法仲係全抄照做一次,好心啦......

再睇鄭大班的也文也武,想質葉劉,一個重點來來回回重重覆覆幾十次.傻仔,比晒位人地點諗計甩身啦!你學下人地BBC啦,就算係娛樂為主的Chris Moyes,一個重點係一擊即中講完就收口,因為唔想比時間你諗,等你er.....um......0個時尷尬呀!

不過葉劉又真係笨,咁都甩唔到身......唉.香港人就係咁,以為乜野答到模凌兩可面面俱圓就叫做叻.其實好多時,一嗚驚人先自認衰仔,又或者一句到尾死口唔認,反而更易甩身呀!

再大鑊的仲要講我睇一周刊今期李克勤的訪問:

"大 班 （ 鄭 經 翰 ） 鬧 我 擦 鞋 仔 ， 最 好 笑 係 ， 鬧 完 ， 有 日 他 在 馬 會 遇 到 阿 倫 說 ： 「 你 同 克 勤 講 ， 我 呢 做 節 目 … … 」 於 是 我 睇 佢 唔 起 ， 你 鬧 我 唔 緊 要 ， 你 要 有 立 場 呀 ！ 於 是 我 更 加 肯 定 自 己 要 有 立 場 。 "

唉,算啦,鄭大班喎!?嘿!

5. Banksy真係藝高人膽大!玩開stencil的佢,居然玩free style,仲要玩素描筆觸,真係唔到你唔服!

更厲害的係佢點樣走上去噴0架??幾層樓咁大,又要一晚(甚至更少時間)完成,點樣噴呢?用吊船?定爬梯?完全不能明白!!

另外,這幾年連香港都學人搞裝置藝術了,不過很多根本全不明白,有d仲係老抄.不如睇下班克西先生又點樣示範乜野叫installation?

更多:

http://thevillagepetstoreandcharcoalgrill.com/menu.html

雜記

1. 如果人在香港,每年的中秋節例必跟五尻到淺水灣飲酒聽歌睇美女.點知原來而家香港的人咁惡,播歌大聲都要搞到開片打死人.d歌唔0岩聽0即,咪播第二首囉,反正我地包羅萬有,由metal到house到acid到trance到folks,classic都有,連八十年代陳百強張國榮譚詠麟李龍基都有,梗有一隻大家0岩聽掛?

據聞兇器是一樽蜜糖,不知會不會是正冬蜜呢?又,唔知政府又會唔會因為今次事件,要求蜜糖供應商全面回收玻璃樽裝而改用膠樽呢?你知而家政府幾咁敏感0架啦......

2. 美資大行執笠令到股市直線下滑.好0丫,趺到咁上下就有機會入貨啦.個人認為趺到萬五至買,再保守d,等到萬二仲好.我總覺得今次唔係咁簡單.

3. 新聞話好多banker冇工做,好沮喪好慘云云.講真,我真係有d心涼.大家都係大學出0黎,點解佢地出黎搵五萬我搵萬五都冇先?如果冇工業冇生產冇工程佢地又點有得投資?係,我知佢地工作辛苦,但辛苦的程度,知識的差距三四倍咁大呀?

不過如果真係全球性經濟蕭條的話,我回港的日子又要押後了.呢份工冇乜好,最好的就係完全唔受商業市場影響(我公司的產品多銷售到大學,實驗室,研究所.通常都係政府撥款資助的),係淡市中良好的避難所呢.

4. 最近個個都講CERN.講真,佢地的理論我真係半點都唔明,又有d覺得都唔知係唔係老吹.例如話如果做到超越光迎的話就可以時光倒流,邊有可能呀?唔通在世間某個地方某個空間又會有一個我同時進行中?咁點樣同時有兩個我呢?歷史的我同而家的我又點分呢?每年一個我?定每秒有一個我呀?每第一個的話,咁一日咪有86400個我0係唔同的軌道上同時進行?

我又唔明,一粒細過頭髮的質子,同另一粒細過頭髮的質子,點解撞起上來可以有十萬度高溫????個能量係來自個物質,定係速度???

算啦,我真係唔係理科人0黎0架......雖然我係工程佬......

5.有個朋友引述這麼的一段話:

我覺得,傳媒與受眾;政客與選民,從來都係亙動0個播,不存在雞先定蛋先的問題.

於商業角度而言,傳媒當然選擇受眾喜歡的產品.另一方面,受眾亦會被傳媒的產品而影響.

既然如此,先生你在怪誰?

個人而言,我從來都唔多睇獎門人,同樣覺得無線師奶劇戇尻白痴無聊唔好睇,但我唔會話低級或高級囉,亦唔認為有乜唔妥.

你個人喜好係乜係你的事,但你冇資格去評論乜野低級高級.級數,係你主觀的意見.收視,係客觀的數字.周星馳玩屎尿屁,粗口諧音,意淫又歧視同性戀,咁佢低唔低級?

香港低級?講英國呢?Big Brother很高級麼?Little Britain又很高級麼?

難道你真係想香港夜晚黃金時段播BBC Prom?定係播名畫鑑賞?Planet Earth?餐飲禮儀?你想個收線仆直就即管播.

先生唔知有冇睇電視劇?佢有冇發覺無線劇集,永遠主角都會將心裡的說話講出來,睇信時寄件人又會讀出內容,幻想的場面鏡頭會變得朦朧,過去的回憶會用黃色濾鏡.童年回憶仲離譜,修哥會扮學生哥呀陰功!

點解要咁?因為大部份的觀眾係師奶,而唔係你地d文化人呀!無線的劇永遠都係白痴都睇得明,劇情永遠都係人估到.不求高深,只求傳真,只因為師奶們冇你地d文化人咁聰明,而唔係創作人"得咁多料"呀!

好啦,你話獎門人什麼意識不良,危害下一代?我想講,睇得最開心的係師奶同細路仔囉!師奶都未群起投訴,你這個道德佬又來投訴個屁?

講真,你話男人評論女人身材係侮辱,咁女人評論男人身材又如何? "嘩~你對車頭燈好勁呀!" 跟 "嘩~你個胸肌真係可以做枕頭呀!" 又有乜分別?

世上有種男人就係咁,佢先天條件麻麻,後天又缺乏風趣幽默,成世都冇女埋身而自號清高,心底裡又唔抵得人地.結果佢就係咪都企0係女人0個邊度大叫女權,保護女性以爭取支持.

這種人,通稱叫道德佬.