這一首歌,叫"請給我一天的光輝".講的時越南船民的窘迫與無奈,播的是九十年代的搞笑節目笑星救地球.一套搞笑的尻節目,居然會那麼認真的寫一首歌,填一首好詞,實在是匪夷所思.老實說,那麼多年後再看笑聲救地球,好些笑話都隨著日子陳舊了,變壞了,空餘一堆叫人哭笑不得的過期笑話.可是遺下的,不是我們所謂的集體回憶,而是我們,香港,仲有自由,仲有人懂中文的好年華.
不是嘛?當黃偉文這流人物都叫填詞人的時候,我覺得香港被淘空了.好的人才,不是死掉,就是走了.好像胡大為,笑星救地球後移居加拿大,現於美國為電視劇做導演,為荷李活電影做剪接.何必呢?何必回來呢.那時候我十歲,周六晚上九點幾坐在電視機前看著細龜被人打到反皮,乜太小李小李再小李.而家?仲唔比真正的乜太物太,盲光社婦女團體投訴到暈?創作,或者,就算不叫創作,叫做輕鬆地玩下,尻下都冇自由.畏首畏尾,怕這怕哪,最後左禁又刪,電視已沒什麼好看了,就連走上街,都只看見一班紅衣紅旗中國人在搖旗納喊.中國~加油~
慢慢地,我們被大陸化了.走的是一元的道路,同一的價值觀,同一的道德標準.沒有異見的人士,也沒有異見的聲音,人人搵錢,個個LV......
世上的事永遠是越開放越繁榮,越禁越衰.由政治,經濟,藝術到文學都一樣.我們將一個個圍牆推倒,發展成一個個高峰.遠的不說,就是說電腦科技,網絡技術,每一次革命性的進步,何嘗不是由於每一次平台的開放?中國是由社會主義走出生天嗎?不是,是由改革開放.領導們,都忘了嘛?
我常說,就是將所有壞事都用圍欄圍住,圍出一條最好的路給你走的話,那條路也是最差的路.可是明白的人,太少.
*對四川的事感覺不大.人總得要死的.死於天災而非人禍,已是善終.至少,你沒有什麼可怨,也沒有什麼好遺憾.網上的人都叫人捐錢,其實中國外匯儲備已是世界之冠,現在缺少的該是人而不是錢.這不是非洲的饑荒,饑荒可以用錢而不用人來解決.上百萬的災民拯救及重建,醫療卻是需要人手多於金錢.老實講,我唔想比錢班高幹豪賭.
4 則留言:
你話唔想捐錢,0係自己個BLOG度講好喇,0係第二度講一定比人屌柒。會比人話涼薄、冇人性。
捐左先算，至於捐左之後D錢會點用冇人理，幫到D乜亦冇人會諗，0係"國難當前"提起任何祖國陰暗面的"抽水"行為更加係罪大惡極。
國家幾萬億外匯儲備，我到而家都唔明點解D人仲係覺得中國需要0個十億八億CASH黎賑災。
0係呢個咁既時勢，冇野比背上"唔愛國"呢個罪名更加大鑊。當然，0係我請客；你付鈔既原則下，曾蔭權點會同你客氣，三億梗係豪俾佢，反正可換來全港愛國自我感覺良好，民望又再高企，一石二鳥。
搞咁多野，其實都係為左表示"愛國"。冇乜表示，就冇人睇到；冇人睇到，就即係你唔愛國；唔愛國，就即係漢奸。簡單。
我反而覺得捐款捐俾NGO如紅十字會尚可理解，始終組織救人隊伍係要人手要錢。但咁又會帶番去一個基本問題: 點解國家夠人手搞奧運但唔夠人手搞救災而要其他人幫??
就算要捐，都捐去紅十字會好了，斷估佢地D錢都唔會俾班仆街拎左去澳門掛?!
no offence, 但為了別人的面色,而將自己的言論收藏起來, 只放在自己有限的私人虛擬空間, 給有限的私人虛擬觀眾收看, 未免太過怕事吧.
現今社會的腐敗, 多小也是受這種風氣所引致. 上樑的怎麼不正, 我們改不到, 做不了什麼事, 但若果新的一代只會吞聲下氣的話, 不肯(不敢)改變的話, 三十年後又只會是一樣的腐敗, 再三十年後又是另一個同樣的腐敗. 我們只會原地踏步.
對, 在這裡空談不是什麼大事, 亦不會達成到些什麼. 但這正是論點: 若這樣小的事也那麼怕...... 還是到麥當勞打三國無相好了.
所以標題一點也沒有錯, "不搞改革開放,就只有死路一條".
以德服人是好事, 但不等同貪生怕死.
我不會捐錢. 不是我不會捐給災民, 不是我不會捐給中國, 而是我不會捐給人類. they've never deserved it, there i fucking said it, again.
pezmachine
One:你是誰??諗唔出你係邊個添
我覺得呢次最搞笑的係捐錢搞到好似玩showhand咁,不如咁啦,按收入百分比去捐,作為特別稅,咁咪唔駛煩囉
Perry: 近排你仲激過我播.不過搞錯了一點,我不是不能面對大眾,開呢度只係避開某一兩個人(你知啦).我人在外,你敢登,我敢寫啦,哈哈.
行過，有感而發。
唔知幾時，香港人變得咁順民。
以前都仲有phone-in，有異見聲音
2008年，你講一句話同主流有異o既（唔支持Torch relay，唔捐錢等），你就會俾人label做唔愛國，唔理大局。
只想講一樣野，係黃子華o係11年前講o既「田雞理論」。
再咁落去，大家唔反抗，唔出聲，一言堂，唔駛五十年（或者五年！），香港o既主流思想就會不知不覺地完全回歸祖國。
你睇下正苦d狗屁不通o既中文就知咩事。
甚麼「打造」，「上馬」，「直通車」……好一套暴發自大而空洞o既「形容詞」，根本係得中共先會用呢d「中文」！
唉，香港人，醒下啦，買少個LV唔會死架。
發佈留言