人生如戲,就像電影<<原罪犯>>中的情節一樣,原來某年你做了一件自己也不為意的小事,作下的業能夠如此的鉅大.一針打通經脈,上文下理前因後果通通接著成章,連串的疑竇也就解開了.那件事原本只是無話找話,之後也別無動機,純粹是無聊之至.囚禁了十三年,還懵然不知其來龍去脈.吳大錫在困室中苦思自己得罪過的人,逐少逐少整理下原來有那麼多,枉他一直還以為自己是一個不錯的人.
壞人從來不覺得自己是壞人,蠢材也永遠不知自己是蠢材.可是在漫長生命中一個平凡的瞬間,他頓悟自己原是柒頭.可幸知時也算不上晚,四個半盡沽電盈怎也好過等佢升仙.
牽一髮即動全身.要麼自斷其舌,要麼就獨自修行.前者難當,後者反正合乎其性格所向.千山我獨行,不是瀟灑,而是墬進泥沼,走上不歸路.項羽走到鄔江邊,鄉人叫他回去退守為王.他回頭說道: "我又有何面目見江東父老?"
曹操亦有知心友,是那知心友的不幸.孟德就此往過去作別,以後望著腳跟走路,謹言慎行,處恭執敬,默默的做自己的事,沒於山林之中.
二零零九年的牛年將屬刻苦之年,牛是刻苦耐勞的動物,所以今年大家都要搵辛苦錢,切勿投機.如果要在股市搏殺,宜取三,六,八,十有關的號碼.0666禹銘投資,666在西方是邪門號碼,但於中國是三三不盡,六六無窮之解.0008電訊盈科,比人私有又點,有個8字就得.0857中石油,李丞責話10係解十全十美咁解.8-5+7=10.咁都得?就係咁都得!如果唔係點叫風水佬呀?
白龍皇尋日鄭重地贈兩個字比香港人: 忍耐. 我鮑師傅贈多兩個字過你: 等待.
係咪好高深呢?唔高深點做風水佬呀?至於等乜?要睇命格,等人等工開等巴士等時機等司機等運到.你想知你要等乜?都話要睇命格囉,批命三千,睇全相加五百,送抽獎.
世界方面,二月至三月加拿大會有大雪,南半球卻會熱浪迫人.中國今年會有水災,倫敦長期陰雨綿綿,香港四月會有長達一個月的回南天.奧巴馬會繼續做總統,陳水偏會有排坐監,金正日會公開露面,麥格比夫人會再到香港掃貨.香港方面,政府持續出錯,問責官員留任,老曾會聽阿爺話,亞視繼續蝕錢,阿sa紅過阿嬌,徐子琪生多一件.
個人方面,做老闆的要對員工尊重,得到的回報更多.打工的勤力拚搏,總有出頭天.做仔女的今年要孝順,做父母的牛年要好好管教仔女.情侶要亙相體諒,朋友要亙相扶持,兄分姊妹要和睦,損友切記疏遠.炒窩輪切勿盡搏,有儲蓄不妨投資.
好,講住咁多先,天機不可洩.大家牛年謹記戒急用忍,以平常心處之,活在當下,珍惜眼前人,退一步海闊天空,凡事留一線,得饒人處且饒人.祝各位事事順利,再見!
搞入籍,要填十八頁紙(其實冇咁多,有些只是指引).其中要填過往五年的出入境記錄,搞到我要考古,翻查護照還不夠(因為只有入境記錄可靠,出境是不吸印的),還要查返以往的email iteniry,機票尾,甚至有一個記錄我要在xanga才查到!!
原來五年間出境十五次,四次返香港,一次去荷蘭找陳老貓,一次去葡萄牙,一次西班牙,一次摩洛哥,七次法國!也真夠輕狂!最怪的是七次之中,四次都是去Lubernon踏單車......
表格中有幾條問題真係好正:
你,及你親屬,有冇參與犯罪而無上法庭?
你,及你親屬,有冇參與戰爭罪行,以及遊擊隊?
你,及你親屬,有冇參加,或者支持過恐怖主義?
你,及你親屬,有冇鼓勵,慫恿他人從事恐怖活動?
你,及你親屬,有冇其他地方顯示出你/你們或者不是一個好人?
如有,請於下面作詳細解釋
喂,大佬,傻0架?有冇人真係會答yes,然後一五一十講出黎呀???
申請費要九百五十磅,真係和味,有些人仲要搵律師,我邊有咁多錢呀??
希望一次搞掂啦......
藝術工作者,不是殘疾,不是老弱,不是長期病患或者精神康復,社會是沒必要對你們抱于同情的.藝術工作者既要向政府伸手要錢要地要援助,政府/傳媒執行監察自是理所當然的事.記者描述客觀的事實---冷清,使用率低,就觸動到他們敏感的神經.藝術不能監察---彷彿是神聖不可侵犯一般.
既然藝術工作者那麼的至神至聖,為何他們不能自食其力呢?遙說美專時代的畢業生,有開館教畫的,有寫行貨畫的,亦有全職的畫家,而未聞有向政府拿什麼資援的.現在的藝術工作者有福了,有支援了,可是他們卻弄了什麼出來?面向國際,不能佔一席位.面向群眾,又深奧得不能明白.欣賞者渺不代表清高脫俗,好的藝術從來都不需解釋,雅俗共賞才對嘛.
在我看來,政府要幫這群所謂的藝術工作者(或自稱為家)的人,不如幫性工作者好過啦.至少後者冒著生命危險,運用自己身體最深的深處去為人民服務,賺取微薄的金錢.不像那幫圍圈亙相自慰的人般虛偽而敏感.掛個藝術家的頭銜去溝女去懷才不遇去自嗚清高很好,做實事?免了.
我覺得明報那位古姓記者實在厚道,說話留了幾線.還要遭人圍攻,真替他不值.
規則1. 求其將個播放列轉做隨機
2. 用"下一首"去回答每條問題
3. 無論個答案幾狗嗡,都要寫低每題的答案
4. 踢十條友
5. 比人踢的咪做返同一樣野囉
6. 尋開心吧!
如果有人問你: "你ok嘛?" 你會點答
音樂軌第九(保羅.奧勤福) <--喂,呢首我冇入歌名,唔知叫乜播
你點形容你自己?
一股血沖上頭 (凍玩合唱團) <--都0岩0丫
你鐘意異性d乜?
身外情 (黃耀明) <--即係戴綠帽??
你老豆老母點睇你?
愛到發燒 (林子祥) <-- 0下???唔係掛??為何你的纖腰,小得像辣椒???
你平時會諗d乜?
N軶UNS (墮落系統合唱團) <--亂碼,但應該係荷里活0個隻碟
二加二係乜?
碧比仔爛拍混音2001年4月比安歷現場音樂會(化學兄弟合唱團等好鬼多人) <--- ????????
你覺得你老死係點?
派對0係呢度呀 (DMX) <--- 嘩,呢首好鬼CHISOC 0即???
你的人生故事係乜?
千年女皇 (梅艷芳) <--- "可否叫咀巴休息一會" (!!)
你大個仔想做乜野?
湯祖的鬼 (強暴對抗機器合唱團) <---乜首首都咁九唔搭八0架
你對住你愛的人會做乜諗野?
點火者 (傳奇合唱團) <---無奈地...都有點對題......
你結婚會跳乜舞?
制服XXX(日文字)之強精中出 (五十嵐) <--- UM...唔好意思,我D咸片同埋音樂放0係同一個FOLDER...
你葬禮會播乜歌?
月亮之舞 (夜空許願合唱團) <-- 都幾好0丫
你嗜好/興趣係乜??
拜你 (肥仔瘦) <---拜神麼?
你驚乜野??
我唔想合埋隻眼 (飛行史癌夫合唱團,但唔知點解顯示出黎會係沈思合唱團,D野成日都錯0既??)
你最大的秘密係?
我個名係乜 (窺探的狗狗) <---咁事實好少人知我真名的
你而家想要乜?
椰子 (哈里.尼爾遜) <--- 我要椰子來托七呀?????
你點睇你的朋友?
邊個都唔係 (茂利紋身) <--- 喂,唔係呀,我好睇重朋友0架!!
你會點貼呢篇野?
救我,我0係地獄呀!! (九吋釘)
之後的遊戲應該係估返D英文歌同樂隊其實係乜...
