公司派對2

相片來自notice board,我用手提影比較矇,冇辦法啦!


留意圖片最右那位女孩,我同佢同枱,而佢對奶大到成日趺出來咁滯.令我不禁喃喃自語地說: "漏奶呀,漏奶呀"
英國波,真係好睇d呀0下!

正面睇,都幾靚女.十七歲,青春無敵,無唔同d.


umum......左邊0個個就係傳說中的Gill,我每日返工見到佢都用眼神避開,因為佢係我人生中見過最恐怖的樣子,活像一副枯顱骨!我每次見到佢都打冷震.佢身邊的係傳說中同佢有一腿的同事,睇怕都唔係傳說.只是literally條佬點同佢造愛的呢?換著我,抹上十樽印度神油也舉旗不定呀!!

中為我老闆卜.曉治,右為佢老婆.佢話為左同我坐同一枱先唔坐管理層0個張枱.好感動呀!!

未開枱已飲了兩杯香檳兩pint啤酒三杯紅酒......咁梗係high d啦......右為保羅.諾加的老婆,我居然讚得出佢年青,搞到佢鬼死咁開心.但問題係......點解我醉左都唔敢同Hannah傾計0架!!?!?唉,我真係冇用......

um.....同埋,我又真係搵唔到Hannah張相,Perry, 算你唔好彩啦.

朝中無人

如果今天香港立即普選特首,結果會如何呢?
首先,肯定參選者必然是在任,或者曾在任的立法局議員吧?難道無神神香港會因為有普選而忽然殺出個奧巴馬來麼?
而香港的立法局議員最叻是什麼?抽水也.表表者為李卓人,來來去去也是叫政府派錢,減稅,增加綜援,爭取最低工資,大罵公司裁員無恥等等.
我常說,香港不是產油國,除了錢之外並沒有一種東西可以儲存,也沒有一個優勢不能被取代的.叫政府派錢減稅是要香港人吸毒而在自己的臉上貼金,將來大家有排hangover.
最低工資原意是好,聽落也好像可行.但你有冇想過很多沒經驗的人出來找第一份工,唯一的方法就是減薪?沒經驗=沒工作,沒工作又不會有經驗,這是死局.如果價錢有下限,人工相距不遠,很少僱主會肯接受新人,培訓需時而不保證將來會否跳槽也.更甚的是很多釋囚,精神病康復者,輕度智障人士會更難投身社會!
公司賺錢裁員無恥麼?那麼我們該學法國,請客容易送客難,導致大量本土企業寧願遷往英國,愛爾蘭,你想香港變成這樣嘛?
簡而言之,這幫香港議員根本是看著腳尖走路,為了短線的利益,自身的選票而犧牲香港的前途.我敢保證,那幫所謂泛民主派如果一旦成為特首的話.必於五年任內盡散儲備而為自己連任鋪路,這十年將會很high,但之後必定有排suffer.時機過了就過了,香港的黃金時代其實早就過去,儲備一散亦不能期望能重新建立.如果有此一天的話我大可一走了之,但不是人人這麼幸運.


另,你能想像李卓人,又或者黃毓民如果成為特首,接見外賓的樣子嗎?我會想死,同埋即時否認自己是香港人.

又,李卓人早前曾說香港不應專注金融服務業而要均衡發展(例如發展實業).這是典型的泛民式馬後炮.屌你老味上年恆指三萬點時你唔咁講?你不如話短途錦標早應買創惑(爆八十倍大冷)!!屌你媽個雞掰!

公司派對

由舊公司帶我過來的上司/朋友: 卜.曉治(係咪好白痴呢?)

條死仔成晚話我似Kill Bill入面的殺手88......

上: 工程知識淵博之極的約翰.渥斯

下: 工程部的大佬,我永遠都睇唔穿佢諗乜的盧.偉臣

上(由左至右): 成日背後講我閒話的仆街加利.米殊尼;同佢同撈同煲的麥克.柏格利;我部門少數睇我台氣又傾得埋的保羅.偉堅遜(佢有d似拉丁人,老婆都幾靚,不過有冇搞錯,話我似Gok!?!?!);名字不詳,已退休,但唔知點解最後拉住我傾左半粒鐘......

下: 我阿頭,正一撚屌,縮骨到暈,好適合去香港做高官的奇夫.薜頓

上: 影得太暗又朦.她(單獨坐者)就是傳說中的極品: 天使面孔,魔鬼身材(唔係講笑,最少有C,但腰圍必少於23吋!!!)的漢娜.犘斯利
下: 我,難得我著得好好睇睇,出返次鏡啦!(但依然為了那句:" Do you know who is Gok, you look like him"而想殺人......)

連續去了部門和公司的聖誕晚餐,都出人意料地盡興而歸.因為我平時同佢地實在冇乜兩句,以為會悶死一晚又一晚,點知又ok有野傾播!兩次都證實飲左酒之後的我英文對答如流(但點解唔飲酒就講到一舊舊???).同埋,原來我交際手腕都幾強,而且十分政治化.周一返公司發覺很多人都對我另眼相看(最搞笑的係我醉左都居然識曲筆讚人地老婆後生,條友同我講I've made her day囉)

咁,我留0係山區同班村民做廠佬做乜?返香港做條政棍好過啦......

寓言2

夢裡有如將現實的情節重演一次,結果卻是一樣窘迫,窩囊,和失敗.這是命定,故此沒有什麼"如果可以重頭來過"可言,重演千次,結果還是一樣,一如歷史.
縱使我怎樣依戀夢中,我還只是過客一名,敵不過尿急.有如牛頭馬面招手,不會留人到五更.兩秒內從里斯本直飛崩福特,一去無回頭,還說什麼何當共剪西湘燭,卻說巴山夜雨時?
太陽沒有出來,自然沒有落下.沒有高峰,自是沒有低潮.也許我不該再買彩票,因為從來我都不是幸運兒.

寓言1

開機關槍向天亂槍掃射,總有幾隻雀仔掉下來.綁好後拿來作戰利品,人們見到的是雀仔,見不到的是滿地彈殼.

真正的獵人用的是步槍,就像Matthew Emmons一樣,一槍一隻.十枚子彈輕裝上路,足矣.

雜記

1. Louis Theroux: Law and Disorder in Johannesburg
http://www.bbc.co.uk/iplayer/episode/b00g1vdq/Louis_Theroux_Law_and_Disorder_in_Johannesburg/
看了兩集Louis Theroux的節目,第一集講費城.冇錯,罪案係多,槍械係多,但至少關係只是居民,毒販和警察的對立.
很久以前已說過南非是唯一一個我永不考慮backpacking的地方(我連Gaza都有想過去),可想而知情況何其差.事實上Johannesburg的情況比我想像中更差!警察無能,貪污.居民自發的滅罪組織以暴亦暴,不經審判的就將疑犯毆打,甚至燒死!另有護衛公司專門負責幫業主收回被人硬闖的物業,方法也是以暴亦暴.人人槍不離身,處處打劫毆鬥,我想只有巴西的San Paulo可以相比了.
片中訪問了一個當地的gangster,佢話: "如果我用槍指住你個頭,你可以不付錢嘛?如果我捉住你老婆,扼頸用刀在大動脈處界一刀,鮮血直流,你可以不付錢嘛?如果我將你的孩子放進焗爐內然後開著,你可以不付錢嘛?"
可是想深一層,中國古代可不是如此嘛?蒙古匈奴羌人犯境時,對中土人士的殘害可能有過之而無不及.只是年代久遠,我們的感受不深.又因時代文明進化,我們忘記了我們本是如此而已.
所以在那些經歷過戰爭的人的眼裡,很多事都不過如此.他們認為年青的人輩無見識過,而我們又實在很難感受過戰亂是怎樣的一回事,只能在電視前書本上略觀一二矣.

2.香港實在有太多專業的業餘攝影師和業餘的專業攝影師.旅行時看見有人拿著三兩部相機在同一景點狂影者,其必香港人也.更甚的是三五同遊,每人獨照一張,二人合照一張,三人共攝一張,四人擺pose一張,叫途人幫手全照一張.三人的matrix是7張,四人是15張,五人是31張......還未計位置交換又一張,一齊跳起又一張,羅馬柱突出頭顱又一張.......一天下來影三數百張的大有人在!
最離譜的是出外用餐,每道菜都要連拍幾張,連人影又幾張,菜涼了不用說,更甚的是招致老外奇異的目光,好像這夥人前世未吃過西餐似的,實在尷尬非常.
我最常問的一條問題是: "你用眼看世界,還是用鏡頭去看世界?"心思都在鏡頭裡鑽,親身的感觀就少了.人有五官,而非視官獨大.電車磨擦著路軌的尖叫聲,醫院傳來的消毒味,花瓣的幼滑感,生蠔的海水味,陽光照在皮膚上的溫暖,坐在街角的婆婆的心事,這些都不能以鏡頭攝錄,而靠其他感官去感受.
再者,每天拍下那麼多的相片,你真會每每回味嗎?不會的,歸來是邀友觀賞,在網上炫耀"景點戰蹟"後,你就再不會多看,然後檔案留在電腦中某過偏僻角落直至你換電腦時忘記backup而消失.

Great stuff!

http://little-people.blogspot.com/

近期最愛的一本書.

仲有呢條波蘭友的graffitti/installation都好正!

香港如果有d咁的野睇到的話,就有希望了......

心情跟港股同步下滑,不寫了