入籍難

搞入籍,要填十八頁紙(其實冇咁多,有些只是指引).其中要填過往五年的出入境記錄,搞到我要考古,翻查護照還不夠(因為只有入境記錄可靠,出境是不吸印的),還要查返以往的email iteniry,機票尾,甚至有一個記錄我要在xanga才查到!!

原來五年間出境十五次,四次返香港,一次去荷蘭找陳老貓,一次去葡萄牙,一次西班牙,一次摩洛哥,七次法國!也真夠輕狂!最怪的是七次之中,四次都是去Lubernon踏單車......

表格中有幾條問題真係好正:
你,及你親屬,有冇參與犯罪而無上法庭?
你,及你親屬,有冇參與戰爭罪行,以及遊擊隊?
你,及你親屬,有冇參加,或者支持過恐怖主義?
你,及你親屬,有冇鼓勵,慫恿他人從事恐怖活動?
你,及你親屬,有冇其他地方顯示出你/你們或者不是一個好人?
如有,請於下面作詳細解釋

喂,大佬,傻0架?有冇人真係會答yes,然後一五一十講出黎呀???

申請費要九百五十磅,真係和味,有些人仲要搵律師,我邊有咁多錢呀??
希望一次搞掂啦......