很久沒試過開車開得如此的慢.
就像未經歷過戰爭的人,他們知道戰爭的殘酷,但真身的體驗,到底比書本上的震撼得多.
裁員的事,我比公司的大部份人都早知.只是看見一個個入房,然後一個個行出來的時候,心底還是很難過.
難過的其中一個原因是名單中有彼德.路斯.一位幫過我很多,但老闆卻很不喜歡的人.
一直以來我老闆都說遲早要炒佢,而我也一直在老闆面前替他說好話.事實上,他是團隊中少數真正肯幫我的人,我的任何要求,包括有時是我做錯了的幫鑊,他也二話不說幫我做到,從不籍詞推卻,從不多問一句.
他一直不認同我老闆推行的lean manufacturing(其實我也覺得此事不能照紙搬字,畢竟我們不是真正的mass production,product variety甚多而產量不高)不斷向其他同事說lean manufacturing不行等等,又在會議中多次抨擊此法不通,以致與我老闆結怨.
老闆跟我私交甚深,我也不時到他家中作客.言談間我常替他說話,我希望我的說話能影響他多少的決定.Boxing day晚到他家中作客時因女友眼訓的關係早走,也許我有點一廂情願,但我想如果當晚我留下來到摸杯底飲威士忌的時候我能再說幾句利害,說不定能改變他的看法.今晚我會再打去說說,機會極微,但總要盡點綿力.
可惜問題的另一面是,因為我是老闆那邊的人,彼得.路斯大概有點遷怒於我.自他從房中出來後跟眾人道別,卻偏偏沒對我說一句話,我也不便走去說什麼了.
唉,真是左右做人難.
老實講,說經濟不景裁員是假的,訂單根本沒少過.不過不要誤會,我是支持裁員的,因為由我第一天加入這公司時已察覺到這公司員工與盈利的比例太低!這公司聘用一百五十二人,去年純利(已是史上最高)只有三百七十萬磅.我前公司只有四十人,每年都有近二百萬磅!明顯地冗員甚多,我不滿意的只是炒錯有能力的人而已.
至於我,我是部門中唯一一個可以做兩邊(standard & customerize)設計的人,況且我做了年半而從未behind schedule,加上跟老闆的關係,大概不會有事的.只是我平時勁上網看網頁的習慣不知有冇人發覺,如果有的話被炒的人很可能乘機報串打算一鑊熟.亦可能有人會因我是外勞而投訴公司沒有優先考慮英國人,更有可能有人會遷怒於我.不論如何,這些都不是我控制範圍之內的了,還是聽天由命吧.
Random blabbing
9 年前
5 則留言:
im sorry
噫,你認識小丁她本人嗎? 見你前幾個post直言看那個什麼裸體聖誕派對video,是為著video中那可愛少女豐滿的胸脯......不會有點尷尬...嗎? 那可是小丁啊! 還是你倆相熟到一個什麼程度?
咁我問下佢點搵得到你嘅先!嘿...(奸笑)
其實咁唔算係'橋'啦,blogspot的世界好細, 每個人的blog都有link到每個人都blog,link下link下,大家都「識」大家啦,所以你「識」我的朋友A我「識」你的朋友B,一d都唔奇啊。初頭以為你識佢本人,咁又唔同。:p
哈哈 我又未至於吃飯拉屎都冇主見, 你第一日識我? 其實事源係, 我同一位朋友討論開打野戰(是war game喇!), 朋友一聽到war game就起晒「鋼」, 咄咄逼人話打war game有乜好, 叫我問下gaza的難民歡唔歡喜war game云云, 於是我開始燥底,又開始諗自己一直以來點去睇同點去面對身邊既事物。
你那句「至於貢獻,我一直認為是個人行為的副產品」呢, 我唔認為係錯, 但我唔能夠完全認同。我唔認為所謂「貢獻」純粹係個人行為的「副產品」, 我之所以話「一生加起來既日子 就等如貢獻咗世界」係因為, 無人可以完全否定一個終生無所事事既人對世界全無貢獻, 或者呢個終生無所事事既人, 佢本身既存在對世界都係有一種意義, 例如, 你可以話呢條友既存在就係警惕人唔可無所事事(...), 當然呢個係比較膚淺偏面既講法, 而我暫時亦都未諗到到底人單純既存在到底意義何在...不過, 我總相信是有的, 而我尋找呢個答案既方法就係努力生存生活下去。
我文中都有提到, 既然都已經生存喺呢個世界, 倒不如做點自己高興的, 其實亦都等如你所講既「凡事該以自己的快樂和滿足為決定點」, 只不過我希望自己盡量做到滿足自己既同時, 唔好太自私, 是因為我一直以來都太自我中心吧, 傷害了家人。
至於我到底係pro-war game, 還是係anti-war game呢, 我可以話我唔會係anti, 但又唔係pro囉。咁你明我個blog篇嘢所講既"neutral"係講乜未?
發佈留言